Miralem Pjanic është lojtari më i kërkuar nga Barcelona për repartin e mesfushës. Kampionët e Spanjës kërkojnë me çdo kusht përforcime dhe për këtë arsye kanë vendosur boshnjakun në krye të listës. Tratativat me Juventusin vazhdojnë pasi me Pjanic është arritur akordi prej kohësh.
I vetmi problem është kërkesa e lartë e bardhezinjëve që kërkojnë për të lënë të lirë mesfushorin. Duke parë që kjo marrëveshje mund të dështojë, Barcelona ka gati edhe planin “b”. sipas mediave në Spanjë, alternativa e Pjanic është Nabil Fekir, mesfushori i Betis në La Liga.
