Dje, Hamdi Salihi ka bërë mrekullinë për ekipin e tij, SC Wiener Neustadt në Rumani duke i dhënë fitoren në minutat shtesë. Goli i Salihit vulosi fatin e takimit duke rrëmbyer trë pikë nga sfida që skuadra e shkodranit kishte ndaj FAC Wien.
Lidhur me fitoren e regjistruar dhe golin e shënuar nga Salihi, ka reagur dhe trajneri i skuadrë, Roman Mahlish.
"Salihi shënoi me një goditje të bukur në kohën e duhur. Ai është një lojtar që na shpëton kur kemi nevojë. Edhe kur nuk duket për 90 minuta, ai është aty, në momentin e duhur. Nuk po luanim mirë dhe kërkoja më shumë pasime dhe kombinime më të sakta. Për fat të mirë, fituam", është shprehur Mahlish
Golin dhe fitoren e ka komentuar dhe vetë Salihi.
"Në ekip kemi 2-3 ekzekutues të mirë të goditjeve standarde. Kisha parandjenjën se do të shënoja dhe ashtu doli. Nuk provoj shumë goditje të lira në stërvitje. E dija se mund të shënoja dhe e bëra. Duhet të fitojmë ndeshjet tona, pastaj të shohim të tjerët", ka mbyllur pronocimin e tij Salihi.
Lexo gjithashtu
