Kombëtarja shqiptare do të presë më 12 tetor në “Air Albania” Çekinë për të bërë mes tyre llogaritë e sfidës kualifikuese në Euro 2024. Një takim që do të startojë në orën 20:45 dhe do të vendosë shumë mbi fatet e dy kombërtareve për kualifikimin në Gjermani.
Përballja e parë mes dy ekipeve e zhvilluar në Çerki ka përfunduar në barazim 1-1 dhe më 12 tetor në “Air Albania” do të luhet një ndeshje e fortë për 3 pikët. Jaroslav Silhavy ka publikuar listën e të grumbulluarve për sfidën me kuqezinjte dhe me Ishujt Faroe, ndërsa në konferencën për shtyp ka theksuar se kombëtarja shqiptare ka shumë temperament.
“Besojmë se mund t’ia dalim. Është mirë që të gjithë lojtarët janë në formë. Nuk dua të bëj ndryshime menjëherë në çdo takim. Ne e dimë se çfarë na pret atje. Kemi disa informacione nga polakët që humbën 0-2. E pamë ambientin, shqiptarët kanë shumë temperament. Shkojmë atje për fitore.
Ndeshja në Shqipëri ndoshta do të jetë shumë më e vështirë se ajo në shtëpi. E kemi bërë të vështirë, por besoj se mund t’ia arrijmë qëllimit kur bëhet fjalë për të luajtur për gjithçka”,përfundoi timonieri i çekëve.
Lexo gjithashtu
