Naxhi Shensoi ka folur pas fitores 1-0 kundër Vllaznisë. Trajneri i ri i Bylisit deklaroi për mikrofonin e Oversport:
“Jam shumë i gëzuar që jam rikthyer në futbollin shqiptar. Ndoshta këta të rinjtë kanë harruar se në vitin 2011 dhe në vitin 2012 kemi luajtur finale. Asnjë trajner pas meje nuk ka mundur të marrë Kupën. Erdha prej presidentit Kapllanaj. Kemi objektiva shumë të mëdha. Duam Kupën ose Europën më vonë. Duam të rikthejmë Bylisin e vitit 2011-të, me atë formë dhe atë respekt të klubit.
Ndryshimet? Kam bërë vetëm një stërvitje. Nuk e njihja shumë Bylisin, por edhe kampionatin. Komplimente për Vllazninë sepse po luan futboll pozitiv. Kënaqësia është për të fituar pas një seance stërvitore. Vllaznia nuk e ka ndryshuar filozofinë e Shkodrës. Ne luftuam më shumë. Nuk luajtëm bukur, por shfrytëzuam rastet. S’e lejuam të shënonim.
Objektivat? Do ta përmbysim ndeshjen në Shkodër në Kupën e Shqipërisë. Do të bëjmë kalkulime. Në këtë moment duhet të stabilizohemi. Kam ardhur prej Stambolli. Presidenti Besnik Kapllanaj e ndjen veten më mirë dhe ia dedikojmë fitoren atij. Ai do të kthehet pas një jave”, tha ai.
Lexo gjithashtu
