Ekipi i Torinos, i drejtuar nga trajneri serb Sinisa Mihajloviç, ka zyrtarizuar 2 përforcime tepër të rëndësishme. Adem Ljajiç dhe Iago Falque janë transferuar nga Roma te Torino.
Ljajiç është blerë nga Torino, ndërsa Falque është transferuar si huazim. Të dy futbollistët kanë bërë nga një deklaratë të shkurtër pas zyrtarizimit të marrëveshjeve.
“Falënderoj presidentin Cairo dhe drejtorin sportiv Petrachi për gjithçka që kanë bërë për të më transferuar te Torino. Jam gjithashtu i lumtur që do të ri-takohem me Mihajlovic, një trajner me kualitet i cili ka qenë i rëndësishëm në karrierën time. Ai gjithmonë ka treguar besim në aftësitë e mia dhe më ka aktivizuar vazhdimisht”, tha Ljajiç.
“Falënderoj presidentin Cairo dhe të gjithë te Torino. Jam shumë i lumtur. Mezi po pres ta filloj këtë eksperiencë të re, të jem në gatishmëri të trajnerit dhe të jap kontributin tim. Gjatë këtyre viteve si një kundërshtar unë i kam vlerësuar shumë tifozët e pasionuar të Torino-s, tani do të luajë përpara tyre dhe do të jap më të mirën time”, u shpreh Falque.
Loading ...
Leave a Reply
You must be logged in to post a comment.