Paolo Maldini, drejtori sportiv i Milanit, ka dhënë një intervistë së fundmi, ku i është rikthyer ditëve të arta të fitimit të titullit kampion. Pas plot 11 vitesh, kuqezinjtë fituan Scudetton në Itali dhe Maldini, thekson se ky sukses ka qenë mëse i merituar.
“Pse e merituam titullin? Thjesht sepse ishim më të fortë, më konstantët dhe më të përqendruarit në ecurinë tonë. Patëm vështirësi dhe ditëm të jemi gati sa herë na kërkohej një reagim apo diçka më tepër. Nëse nuk do të kishim fituar në njërën nga ndeshjet mes Veronës, Fiorentinës apo Atalantës jam i bindur se nuk do të kishim arritur të shpalleshim kampionë.
Me atë kornizë publiku, e gjitha kuqezi, mundësitë që të mos shpalleshin kampionë ishin vërtetë të pakta. Goli i Theo ishte më i bukuri i sezonit. Për nga rëndësia dhe mënyra them se po. Mendoj se është nga ata gola që vetëm një lojtar si Theo mund t’i shënojë.
Më besoni kur ju them se nuk mbaj mend që të kem festuar ndonjëherë kaq shumë një trofe. Mbase ndikoi fakti që nuk kishim fituar asgjë prej 11 vitesh. E nisim si kampionë në fuqi dhe do të kemi presion mbi vete. Konfirmimi në sukses është më i vështirë sesa arritja e tij. Për më tepër që do të duhet të bëjmë më mirë edhe në Champions. Rritja nuk duhet të ndalet", u shpreh Maldini.
Lexo gjithashtu
