Ditën e shtunë në ambientet e “Feti Borovës”, në parkun olimpik të Tiranës do të zhvillohet dueli i “Kickbox” për titullin botëror për peshën deri në 75 kile, mes shqiptarit Adriatik Cami dhe marokenit Ayoub Zerouali. Dibrani prej 22 vitesh jeton dhe stërvitet në Greqi dhe prej 7 vitesh bashkpunon me trajnerin Angelos Stamatiadhis.
Adriatik Cami e nisi karrierën e tij në “kickbox” në vitin 1996 në nivelin amator. Në 2003 ai u bë sportist profesionist i kësaj disipline sportive. 39-vjeçari ka punuar me disa trajnerë në karrierën e tij dhe ka marrë pjesë në disa evenimente në Greqi dhe Evropë. Në 2005 u shpall kampion ballkanik dhe nënkampion Evrope. Ndërsa në 2016 fitoi titullin evropian në 75 kg, pasi mundi polakun Bieinias në duelin e zhvilluar në Bullgari.
Loading ...
