Trajneri i Skënderbeut, Andrea Agostineli, edhe pse nuk ka shumë kohë në krye të korçarëve, ka bërë shumë eksperimente me lojtarët gjatë kësaj periudhe në Austri. Ai ka parë skema të ndryshme loje në dy miqësoret me Rijekën dhe Karabakun dhe duket se ka vendosur për sistemin 4-2-3-1, por mund të ketë prurje të reja dhe gjërat ndryshojnë. Eksperimentet kanë qenë të shumta, madje mësohet se në të djathtë të mbrojtjes është provuar edhe Fukui. E çuditshme, por edhe mund të ndodhë. Sot trajneri Agostineli ka shansin e fundit të fiksojë 11 titullarët e ndeshjes me Ferencvaroshin në Champions. Në orën 17:00 luhet miqësorja e fundit në Austri me Makabin e Tel Avivit, pasi nesër në mëngjes ekipi kampion kthehet në Shqipëri.
Kuptohet që vëmendja është te vendimi i KAS-it, por stafi teknik dhe futbollistët bëjnë punën e tyre, në mënyrë që të jenë gati për ndeshjen e Championsit, aq më tepër që gjasat janë të mëdha për një vendim pozitiv.
Lexo gjithashtu
