Elton Kale luan sezonin e dytë me Kukësin, por tashmë është shndërruar në pikë kyçe në mesin e fushës. Braziliani i verilindorëve po spikat në këtë edicion futbollistik me kampionët e Shqipërisë. Në 28 takime të luajtura, në 25 ai është aktivizuar ku ka arritur të shënojë plot 5 gola. Lëviz shumë në fushë, punon mirë me topin dhe është i saktë para porte atëherë kur Kukësi ka më shumë nevojë se kurrë.
Karakteristikë tjetër e veçantë e tij është simulimi i shumtë në fushën e blertë. Shpesh herë arrin të "vjedhë" faulla dhe në të njëjtin moment acaron kundërshtarin, duke fituar edhe duelin e nervave. Dje, arriti të shënojë përballë Kamzës, në fitoren minimale 1-0 të verilindorëve. Siç shihet Kukësi dhe Pacult kanë gjetur lojtarin e mesfushës. Vetëm 1.65 i gjatë, por i ka të gjitha cilësitë për të qëndruar, pse jo edhe sezonin e ardhshëm në Superiore.
Lexo gjithashtu
