Të premten në mbrëmje Tirana do të prsë në shtëpi Teutën në orën 19:45 minuta për të luajtur takimin e dytë të kampionatit në "Selman Stermasi". Në lidhje me këtë 90 minutësh, trajneri Bledi Shkëmbi në një prononcim për "Supersport" është shprehur se pavarësishtë kundërshtarit, kurrsakët do të tendojnë të luajnë futboll dhe ta fitojnë ndeshjen.
"Ndeshja me Tiranën? Një kundërshtar, që për nga emri, është nga më të rëndësishmit. Do të kërkojmë të luajmë një futboll shumë të mirë dhe të fitojmë. E dimë shumë mirë se çfarë niveli ka kundërshtari dhe se do të jetë një ndeshje e vështirë, por duhet theksuar se të gjithë kundërshtarët janë të vështirë për t'u kaluar. Ne nuk do të ndryshojmë shumë. Mendoj se duhet të rregullojmë disa gabime që bëmë në ndeshjen e parë. Ne jemi munduar të riparojmë defektet tona. Do të jetë një kampionat i vështirë. Ne po punojmë të riparojmë defektet dhe të përmirësojmë gjërat e mira që kemi, ndërsa më pas të shohim. Do të jetë një kampionat i gjatë dhe pse të mos ëndërrojmë, ndonëse e dimë se Europa është e vështirë", ka thënë Shkëmbi.
Lexo gjithashtu
