Tirana lë Shqipërinë, nis faza përgatitore në Zllatibor

Bardheblutë sot kanë lënë kryeqytetin dhe janë nisur në orën 11:00 drejt Serbisë, aty ku do të zhvillojnë fazën përgatitore. Përgatitjet janë planifikuar që të zhvillohen në Zllatibor, në veri të Serbisë, në një vend të freskët dhe të përshtatshëm për të kryer përgatitjet në prag të kampionatit që do të nisë në muajin shtator.

Trajneri Ilir Daja ka përgatitur axhendën për këtë fazë përgatitore, ku mes përgatitjeve janë planifikuar dhe 4 ndeshje miqësore, ku do të projektohet dhe formacioni i sezonit të ri. Krahas ndryshimeve të tjera, përfshihet dhe ardhja e lojtarëve të tjerë, pasi Tirana nuk e ka mbyllur ende merkaton. Klubi po punon për repartet ku i duhen përforcime, ndërsa paralajmërojnë se shumë shpejtë grupi do të jetë i plotë.