Klubi i Tiranës ka publikuar sot klipin e realizuar në vigjilje të 100-vjetorit të krijimit, vit jubil që përkon edhe me titullin e 25-të kampion të fituar nga bardheblutë. E kënduar nga Ronela Hajati në bashkëpunim me DJ Sardin, kryeqytetasit kanë emocionuar me këngën e publikuar.
Të gjithë aktorët bardheblu, të gjithë ata që kanë punuar para dhe pas kuintave në arritjen e objektivit madhor janë aty. Nuk mund të mungojnë ata që s'e braktisën kurrë ekipin, tifozët e Tiranës teksa në klip është një pjesë e korit të tyre: "Me hapat e tua jetoj".
Fanela bardheblu duket se është mjaft joshëse, pavarësisht nëse je nga Shqipëria apo dhe nga Brazili i largët. Bukuroshja e vogël e Elton Cale-së, mesfushorit brazilian shfaqet në klip përkrah DJ Skerdit.
Sigurisht që ky vit jubilar përmban shumë kujtime, shumë mund e djersë i përkthyer në trofe. Agustin Kola, njeriu më i dashur i këtij klubi është ai që bën hapjen e këtij klipi duke përmendur të paharrueshmin, Arben Minga.
Lexo gjithashtu
