Presidenti i Napolit Aurelio De Laurentiis ka lëshuar një deklaratë të guximshme ditët e fundit gjatë një mbledhje të Këshillit të Klubeve Europiane në Kroaci. Për mediat vendase ai është shprehur i gatshëm se nëse do t'i jepej mundësia do të blinte klubin e dytë më të madh të Kroacisë, Hajduks Splitin, i cili ndodhet prej disa kohësh në krizë financiare.
"Më jepni mundësinë dhe e blej unë Hajduk-un, e kam seriozisht. Nuk e kuptoj pse ky klub ka rënë kaq poshtë. Jam gati të bisedoj, por jo me tifozët, sepse duhet të flas me ndokënd nga drejtuesit. Kam blerë Barin, por kjo nuk do të thotë që nuk më intereson të blej edhe Hajdukun. Jam befasuar që Edy Reja (ish-trajneri i Napolit në vitet 2005-2009) është gati të marrë drejtimin e skuadrës, sepse ai ka refuzuar edhe Napoli-n në të shkuarën. Hajduku më ka thënë që klubi është në duart e tifozëve dhe ata nuk duan në asnjë mënyrë që klubi të privatizohet. Megjithatë, Hajduk-u është në vështirësi dhe unë do investoja, para, njerëz dhe shumë pasion. Nuk do lejoja kurrë që një klub me histori e traditë të përfundojë si Bari, në divizionin e katërt", përfundon deklaratën kreu i klubit italian.
Lexo gjithashtu
