Ditën e djeshme, një grup i tifozëve të Vllaznisë zbarkuan në stërvitjen e skuadrës duke kërkuar të bisedonin me trajnerin Cungu, ndërsa iu drejtuan atij se kërkonin në fakt të flisnin me drejtuesit e klubit.
Gjatë fjalës së tyre, tifozët shkodranë kërkuan nga skuadra që të jepte maksimumin në sfidat e radhës në kampionat.
Për këtë episod ka reaguar sot, Drejtori Sportiv i Vllaznisë, Eugen Zeka përmes një konference për shtyp.
"Afrimi i tifozëve dhe bashkëbisedimi i tyre në formën e dialogut me skuadrën nuk duhet parë si diçka negative. Përkundrazi! Ne jemi të kënaqur që tifozët janë afruar, pasi nuk kanë ardhur për të kërkuar llogari nga skuadra, por për ta mbështetur Vllazninë dhe për të treguar se grupi i tyre është pranë ekipit në këtë moment të vështirë dhe për më tepër pas eliminimit në Kupë.
Kjo tregon se çdo gjë është duke shkuar drejt frymës pozitive për t'iu gjendur pranë skuadrës dhe për të arritur ato objektiva që ne kemi në kampionat", tha në konferencën për shtyp, Drejtori Sportiv i Vllaznisë, Eugen Zeka.
Lexo gjithashtu
