Nuk ka “qetësi” për Dinamon e Ilir Dajës. Në ndeshjen kundër Teutës, e mbajtur në “Air Albania”, kryeqytetasit u mposhtën 0 – 1 nga Teuta, aty ku vendosi goli i Arifit në minutën e 32-të.
Në të gjithë ndeshjen, ekipi durrsakë e goditi portën rivale vetëm 1 herë dhe gjeti golin, “snajper”. Edhe pse dinamovitët dominuan në kontrollin e topit, nuk vlejti për asgjë.
“Blutë” tentuan me Bregun për të bërë “kërcënuar” portën mike, por pa rezultat. Portieri i skuadrës bregdetare Selmani, u “përgjigj” në 2 raste konkrete, duke e mbajtur portën e paprekur.
Pas kësaj fitoreje, Teuta shkon në kuotën e 37 pikë në 28 javë, vendi i 6-të, 2 më pak se Dinamo, ndërsa për ekipin e Ilir Dajës, kanë vetëm 1 fitore në 5 ndeshjet e fundit.
Dinamo 0 – 1 Teuta (Arifi 32')
99' - Përfundon sfida, fiton Teuta kundër Dinamos, vendos goli i Arifit.
71' - Selmani i pakalueshëm për sulmuesit e Dinamos, i saktë në ndërhyrje.
59' - Qefalija godet fuqishëm, pret mrekullisht portieri Selmani.
46' - Nis pjesa e dytë.
45+5' - Mbyllet pjesa e parë.
32' - Mbrojtja e Dinamos në "gjumë", Arifi shfrytëzon rrëmujën dhe kalon në epësi Teutën.
7' - Dejvi Bregu godet shtyllën, me pas virojtësi sinjalizon për pozicion jashtë loje.
1’ – Shkelmohet topi në ndeshjen Dinamo – Teuta, stadiumi “Air Albania”.
FORMACIONET ZYRTARE
DINAMO: Teqja; Ismaili, Teikseira, Bregu, Nani, Malomo, Qefalija, Dita, Berisha, Aliji, Neziri
Trajner: Ilir Daja
TEUTA: Selmani; Zhongo, Jazxhi, Maçolli, Daci, Jurgens, Përgjoni, Ismajli, Arifi, Toli, Votlai
Trajner: Enkelejd Dobi
Superiore: Java e 28-të
Stadiumi: “Air Albania”
Arbitër: Laver Alla
Lexo gjithashtu
