Tashmë “s’mban më ujë pilafi”. Antonio Conte është seriozisht në fije të perit. Trajneri i Interit nuk ka arritur të marrë rezultatet e pritura dhe kësisoj tifozët kërkojnë shkarkimin e tij. Përmes rrjeteve sociale mbështetësit zikaltër janë të vendosur për të larguar italianin.
Me një këmbë jashtë Champions League, edhe drejtuesit e Interit kanë mbetur të pakënaqur me trajnerin e njohur. Megjithatë çështja më e nxehtë mbetet ajo e Christian Eriksen. Mesfushori danez nuk është aktivizuar nga Conte duke nxitur mjaft polemika në Itali.
Kësisoj e ardhmja e tij në krye të pankinës së Interit duket mjaft e dyshimtë. Duhet pritur deri në fund të këtij viti pasi fjalën e fundit do ta thonë vetëm drejtuesit e ekipit zikaltër.
Loading ...
