Dhjetë vjet pas zgjedhjes së tij si president i Bayern Munich, dhe pas 30 vjetësh si menaxher i përgjithshëm, ish sulmuesi Uli Hoenes njofton gatishmërinë e tij për të bërë një hap mbrapa. Në nëntor, anëtarët e klubit do të zgjedhin një president të ri, ndërsa Hoenes do të mbetet në bordin e drejtorëve. Konfirmimi erdhi nga vet ai në një intervistë për “Bild”.
“Do të qendroj në bordin drejtues, por do të largohen nga roli i presidentit kur të jetë momenti i duhur. Kjo që kemi bërë ne si në termat social dhe sportiv është ndryshe nga shoqëri të tjera në botë. Është kjo që bën Bayernin të denjë për ta dashuruar. Dëshirojmë të jemi ndryshe, në respekt të parave që e bëjnë edhe më të mirë bisnezin tonë”, deklaroi Hoenes.
Loading ...
