“Tërmet” me 6 gola, SHAQIRI me shokë u “qepin gojën” kritikëve

Zvicra vërtetoi se mbetet një skuadër cilësore dhe konkuruese. “Helvetët” shpartalluan pa mëshirë 6-0 nordikët e Islandës. Në këtë takim shqiptarët udhëhoqën Zvicrën drejt një fitore që nuk la hapësira për kritika. Shaqiri, Xhaka, Ajeti dhe Mehmedi lanë secili shenjën e tyre në sfidën e fiturar në shtëpi. Në këtë mënyrë ata i mbyllin gojën kritikëve të cilët prej disa muajsh shigjetuan grupin e futbollistëve shqiptarë si të padenjë për të udhëhequr ekipin helvet. Media më e famshme në vend “Blick” i ka dhënë notën maksimale futbollisti të “Liverpoolit” (6) ndërsa Xhaka që mbajti për herë të parë shiritin e kapitenit mori një notë më pak se anësori i të kuqve.