Tenis/ Williams nuk mjaftohet me aq, kërkon tituj të tjerë

Serena Williams ishte fituesja e finales së djeshme në Wimbledon. Amerikanja u shfaq shumë entuziaste pas këtij triumfi të saj. Ajo falënderoi tifozët për mbështetjen e madhe që i bënë në këtë kompeticion.
“Jam krenare që rikthehem si fituese në një grand slam. Falënderoj tifozët për mbështetjen, Angelik për lojën që zhvilloi, dhe stafin tim. E dija që do t’ia dilja mbanë dhe jam e emocionuar dhe e lumtur si herën e parë. Por nuk ndalem, shihemi vitin tjetër”, përfundoi amerikanja ku la të nënkuptohet se pretendon titullin e radhës vitin e ardhshëm.