Erik Ten Hag ka folur pas ndeshjes me Barcelonën në Europa League. Ekipi i tij luftoi “dhëmbë për dhëmbë” me katalanasit në Camp Nou për të ndarë një barazim 2-2. Gjithçka do të vendoset javën tjetër në Old Trafford. Ten Hag duket i kënaqur me barazimin duke pohuar se ishte një ndeshje e madhe
“Mendoj se ne e diktuam lojën. Përveç 15 minutave të para, që kishim vështirësi, por pjesën tjetër e diktuam lojën dhe i tejkaluam ata”, shprehet Ten Hag.
“Krijuam raste, kështuqë jam pak i zhgënjyer që pjesa e parë përfundoi 0-0, sepse duhet të shënonim. Ishte ndeshje e madhe, ishte vërtet nivel Champions League madje më shumë se kaq. E shijova vërtet ndeshjen. Duhet ta përfundojmë në Old Trafford.
Rashford? Ai është i pandalshëm në këtë moment, ka një besim të madh në shënimin e golit, për të cilën ne jemi të lumtur. Ne kemi edhe lojtar të tjerë që mund të shenojmë, si Bruno, Jadon që mund të shënojnë gjithashtu. Nuk ka rëndësi kush shënon. Në një ndeshje kur krijon 5, 6 apo 7 raste të pastra duhet të shënosh patjetër”, ka përfunduar Ten Hag.
Lexo gjithashtu
