Barcelona arriti të fitonte La Ligan pas ecuris jo të mirë në Champion ku u eliminua që në fazën e grupeve. Katalanasit tashmë janë duke bërë planet për sezonin e ardhshëm për të ecur sa më gjatë në kompeticionin më të rëndësishëm europian. Por kur blaugranasit po përgatiten një “bombë” plas nga UEFA. Jean Samuel Leuba dhe Mirjam Koller Trunz, janë dy inspektorët e emëruar nga Komiteti i Etikës dhe Disiplinës i UEFA-s më 23 mars për të hetuar rastin Negreira. Tashmë dyshohet se ata kanë kërkuar që Barcelona të sanksionohet me përjashtimin nga garat evropiane për një vit.
Sipas asaj që raporton “ABC” është rezultat i hetimit të nxitur nga UEFA ku shkruhet se Barça ka shkelur kuadrin ligjor të organit europian. Veçanërisht prerës do të ishte raporti i inspektorit zviceran, i cili pretendon se ka vërejtur shenja të aktiviteteve që synojnë organizimin apo ndikimin në rezultatin e ndeshjeve.
Megjithatë vendimi përfundimtar do të jetë i UEFA-s. Institucioni mund të hapë një dosje dhe të presë mendimin e drejtësisë spanjolle ose të ndjekë përfundimet e inspektorëve dhe të konfirmojë kërkesën. Një dilemë e vërtetë për Ceferin, i cili brenda pak ditësh duhet të vendosë nëse do të dëgjojë apo jo raportin e inspektorëve. UEFA ka afat deri më 12 qershor për të shpallur listën e pjesëmarrësve në edicionin e ardhshëm të Champions League dhe Barcelona është një prej skuadrave të kualifikuar.
Lexo gjithashtu
