Te Real Madrid nuk do të mjaftohen vetëm me transferimin e Kylian Mbappes, por drejtuesit do të tentojnë një tjetër lojtar “big”. Prej kohësh në radarin e madrilenëve është Erling Haaland, i cili po luan sezonin e tij të dytë me Manchester Cityn.
Sipas “As” bëhet me dije se merkatoja e “Los Blancos” në hyrje nuk do të mbyllet vetëm me sulmuesin francez, pasi një deklaratë e norvegjezit para due;it me Copenhagen ngre dyshimet. Në fakt ish-lojtari i Borussia Dortmund ka “ëndërruar” gjithmonë një kalim në “Santiago Bernabeu” edhe pse aktualisht po jeton momentin më të mirë në Angli me Manchester Cityn, ku vitin e kaluar fitoi edhe tripletën me anglezët.
Një tjetër detaj interesant është se në kontratën aktuale ka një klauzolë të veçantë, që lejon Haaland të largoheet gjatë kësaj vere në rast se ka ndonjë ofertë tunduese nga klubet jashtë Premier League. Gjithashtu përfaqësuesja e norvegjezit Rafaela Pimenta ka lënë gjithmonë të hapur një mundësi kalimi në La Liga dhe diçka e tillë pritet të mbetet në fuqi edhe në rast se Haaland rinovon me Cityn deri në vitin 2027. Mbetet të presim për të mësuar se çfarë do të ndodhë në merkaton e verës.
Lexo gjithashtu
