Në emisionin "Zona Gol" në "Supersport", mbrëmë ka qenë i ftuar presidenti i Skënderbeut, Ardian Takaj, i cili ka folur për të rejat e fundit që kanë ndodhur në klubin korçar dhe pritshmëritë që ka numri një i klubit për pjesën e mbetur të kampionatit.
Ai ka folur dhe për një transferim të mundshëm për kapitenit të Kombëtares, Ansi Agolli, i cili pak ditë më parë deklaroi se në verë do të rikthehet në Superligës, duke zgjedhur Tiranën. Këtë e ka komentuar dhe presidenti Takaj.
"Kur flasim për kapitenin e Shqipërisë, nuk diskutohet që vendi lirohet direkt edhe sikur të jetë i zënë te Skënderbeu. Agolli po ecën shumë mirë te Karabaku, por ju garantoj se zgjedhja e parë në Shqipëri është Skënderbeu", ka deklaruar Takaj për emisionin "Zona Gol" në "Supersport".
Lexo gjithashtu
