Armando Sadiku u rikthye në Kombëtare pas shumë kohësh teksa luajti disa minuta në ndeshjen e fundit me Ishujt Faroe, të fituar 1-3 nga kuqezinjtë. Në një intervistë për “GazetaBlic Sport”, sulmuesi elbasanas ka fjalët më të mira për trajnerin Sylvinho ndërsa shpreson të përsëritet suksesi historik në Euro 2016.
“Trajneri Sylvinho po nxjerrë më të mirën nga ne. Është një punëtor shumë i madh dhe është duke bërë një punë shumë të madhe dhe të palodhshme me ne çdo ditë dhe ne jemi shumë të kënaqur me idetë dhe gjërat e reja që po aplikon në ekip. Jemi duke e ndjekur me shumë vëmendje dhe po i zbatojmë urdhërat e tij.
Kundër Moldavisë në ‘Air Albania’ ishte një mbrëmje e paharrueshme, ku i gjithë stadiumi ishte i mbushur dhe besoj që ishte një faktor që ne e fituam ndeshjen. Do kemi nevojë për mbështetjen e tifozëve tanë deri në ndeshjen e fundit në nëntor kundër Ishujve Faroe dhe shpresoj që të përsëritet historia dhe ne të shkojmë në Europia. Ne do japim 100% me këtë grup lojtarësh që kemi në çdo ndeshje dhe shpresoj që shkojmë sërish në Europian”, tha Sadiku.
Lexo gjithashtu
