Korea Jugut mbylli aventurën në Kupën e Botës, pas humbjes me shifrat 4-1 nga Brazili. Goli fantastik i realizuar nga Paik Seung Ho, do të jetë një nga gjërat që do të mbahet mend gjatë. Korea ishte një ndër surprizat e mëdha të këtij eventi, që arriti të kualifikohej nga një grup tepër i fortë me Ganën, Uruguain dhe Portugalinë.
Son i cili është dhe një nga lojtarët emblemë të këtij ekipi, që mbarti peshën më të madhe duke i udhëhequr deri në këtë fazë, foli për mediat. Son me përultësin e tij, vlersoi të gjithë shokët e ekipit dhe u lut për t’i mos i fajsuar për çfarë dhanë në fushë.
Deklarata:
“Ne dhamë gjithçka. Ju lutem mos na fajësoni. Me këta lojtarë të Brazilit nëse i jep hapësirë njërit prej tyre ata shënojnë. Nuk dua të fajësoj asnjë nga lojtarët tanë, sepse ata dhanë gjithçka.
Jam shumë krenar për atë që kanë bërë. Nuk është e lehtë të luash veçanërisht për djemtë e rinj që erdhën dhe luajtën nga fillimi.
Ata bënë një punë të shkëlqyer për vendin tonë dhe shpresoj që të mos ndalojnë së punuari dhe shpresoj që djemtë e rinj të kuptojnë se sa e rëndësishme është të luash në Kupën e Botës.
Jam shumë krenar dhe shumë i lumtur që ata të rinj bënë një punë të mrekullueshme për kombëtaren dhe për vendin”.
Lexo gjithashtu
