Sulmuesi i njohur i Borussia Dortmundit, Pierre-Emerick Aubameyang ka rinovuar kontratën me ekipin e tij. Kjo gjë është konfirmuar nga e përditshmja "Bild" e cila ka zbuluar arritjen e marrëveshjes së re të sulmuesit me gjigandin e Bundesligës.
Edhe pse Borussia Dortmundi ka dashur ta shesë lojtarin, asnjë ekip nuk ka mundur të plotësojë kushtet e kontratës. Dortmund ka kërkuar 80 milionë euro në këmbim të shërbimeve të sulmuesit, shifër e cila nuk është ofruar nga asnjë ekip.
Kontrata e re e firmosur e lë Aubameyang te Dortmundi deri në fund të vitit 2021, duke lënë mbyllur kështu historinë e merkatos së janarit për sulmuesin. Edhe pse "Bild" ka shkuar se gjithçka është mbyllur, nga ana e klubit ende nuk ka diçka zyrtare lidhur me rinovimin e kontratës, duke lënë gjithçka në errësirë.
[gallery columns="1" size="full" ids="183151"]
Lexo gjithashtu
