Trajneri Klevis Dalipi mori drejtimin e Partizanit menjëherë sapo u largua Sulejman Starova. Nën drejtimin e teknikut elbasanas, të kuqtë mundën të grumbullonin vetëm 21 pikë në 13 ndeshje, statistika këto aspak pozitive.
16 gola kanë mundur të shënojnë "Demat", ndërkohë që kanë pësuar 13 në 13 takime të luajtura nën drejtimin e Dalipit, duke e mbyllur sezonin në vendin e pestë me 53 pikë të grumbulluara në total.
Nisur nga statistikat, shanset janë të pakta që trajneri Dalipi të vijojë të vazhdojë në krye të ekipit të Partizanit. Edhe pse ai në ndeshjen e fundit kërkoi në një mënyrë votbesimin për sezonin e ri, gjasat janë që kjo gjë të mos ndodhë. Në këto kushte, tekniku elbasanas ndodhet në mes të "katër rrugëve" pasi nuk di ende se çfarë do ndodhë me të ardhmen e tij. /NEWSPORT.AL/
Lexo gjithashtu
