Legjenda e Kombëtares shqiptare, Vasil Ruçi ka folur në prag të ndeshjes Poloni – Shqipëri. Para këtij dueli të rëndësishëm për fatet e kuqezinjve drejt Botërorit, Ruçi ka treguar n “EuronewsAlbania” edhe “sekretet” për të shkuar te fitorja.
Sipas tij, lojtarëve të Kombëtares shqiptare u duhet nacionalizëm dhe mençuri. Ndër të tjera, ai bën një krahasim interesant, duke u shprehur se pjesëmarrja në Botëror është si të martohesh me një mbretëreshë.
“Shqipërisë një rast i tillë mund t’i vijë një herë në 100 vjet. Fjala ‘kemi bërë mirë’ është fjalë pesimiste. Rëndësi ka të bëjmë mirë. Është për mendimit tim ndeshja e vitit dhe e shekullit për Shqipërinë. Nuk e di nëse do të na vijë më një ndeshje e tillë. Mençuria profesionale, po t’i bashkangjitet nacionalizmit, me një gjykim të pjekur dhe me sakrificë e njerëz që kanë besim te ajo ndeshje, besoj se gjithçka kalohet. Një Kampionat Botëror është si të martohesh me një mbretëreshë”, tha Ruçi.
Lexo gjithashtu
