Menjëherë pas zyrtarizimit të kundërshtarit me të cilën do të luajë Shqipëria e cila përkon me skuadrën e polakëve, ka ardhur edhe reagimi nga këta të fundit. Në mesin e 16 skuadrave të cilat ishin në short, dyshja Shqipëri-Poloni është një duel në të cilin jo pak herë e kemi ndjerë “shijen” e konkurrencës së njëri-tjetrit në fushë .
Por megjithatë media polake “Onet.Pl” e kanë cilësuar si fillim shortin e bërë si një “short ëndrrash” ndërsa ekipin kuqezi si “opsionin e dytë më të mirë në gjysmëfinale”. Duke nënkuptuar kështu që nuk ndihen edhe aq të rriskuar nga Kombëtarja jonë.
Të tjera media siç është “WP.pl” e kanë mbajtur shkrimin e tyre me më shumë objektivitet por pa “lënë në hije” fitoret e tyre ndaj Shqipërisë . Ndërsa nën rreshta kuptohet qartë se ata janë “sy e vesh” drejt përballjes.
Pak por e sigurtë, përballja Shqipëri – Poloni, statistikisht ishte e pritshme për shkak dhe të vetë formulës, mbetet për t´u parë debutimi i të dyjave skuadrave, të cilat e konsiderojnë sfidën shumë të rëndësishme për “jetëgjatësinë ” e tyre në Botërorin e 2026.
Lexo gjithashtu
