Simon Simoni është zyrtarisht një futbollist i Ingolstadt. Është vetë klubi që konfirmon lajmin e qarkulluar më parë teksa njofton në faqen zyrtare afrimin e talentit shqiptar në formë huazimi nga Frankfurt.
Ky vendim i Frankfurt vjen pasi drejtuesit besojnë shumë në cilësitë e gardianit shqiptar dhe huazimi shihet si hapi i duhur për zhvillimin dhe adaptimin e tij perfekt me futbollin profesionist gjerman.
19-vjeçari do të bashkohet me ekipin e ri që militon në Bundesliga 3 dhe do të ketë minutat e garantuara ku do të fitojë formën ideale për sezonin e ardhshëm si një alternativë potenciale për portën e Frankfurt.
Lajm fantastik gjithashtu edhe për Sylvinhon e Kombëtaren shqiptare që e shohin Simonin si portierin që do të mbrojë kuadratin kuqezi për dekadën e ardhshme. Simoni, madje, ishte pjesë e Shqipërisë në Euro 2024 edhe pse nuk ia doli të bëhej pjesë e listës zyrtare.
View this post on Instagram
Lexo gjithashtu
