Juljan Shehu aktualisht ndodhet në Shqipëri, me mesfushorin e Kombëtares shqiptare që mesa duket ka vendosur t’i kalojë ditët e fundit të këtij viti në Tiranë. E kur ndodhesh në kryeqytet e pamundur të mos shijosh pak edhe “jetën e natës”.
Kështu ka bërë lideri kuqezi, i cili mbrëmjen e djeshme ishte i pranishëm në një klub nate, ku Sinan Hoxha ishte i ftuar për të kënguar. Me anë të një postimi në rrjetet sociale, Shehu ka ndarë një video ku dëgjohet teksa këngëtari i këndon “Tironës”.
“Krejt Tirona hyn në valle, o krejt Tirona, krejt Tirona hyn në valle”, këndon Sinani. Një këngë e cila siç duket ka “fituar edhe zemrën” e mesfushorit në këto ditë të ftohta dimrit.
E nuk kishte si të ishte ndryshe për lojtarin kryeqytetas. Ndërkohë vlen të theksohet se 27-vjeçari aktualisht është pjesë e Widzew Lodz në Poloni, ku ka kontratë të vlefshme deri në qershor të vitit 2028.
Lexo gjithashtu
