Klaus Gjasula
Klaus Gjasula ka lënë fushën e lojës i dëmtuar në ndeshjen që ekipi i tij, Dramstadt po luan në transfertë përballë Koln, në kuadër të javës së 30-të të Bundesligës gjermane.
Në minutën e 42’ të ndeshjes, mesfushori i Kombëtares shqiptare u përplas me një nga lojtarët kundërshtarë, me Gjasulën që mbeti i dëmtuar. Pas kësaj përplasje, 34-vjeçari nuk mundi të vazhdontë më, duke u zëvendësuar në mënyrë të detyruar.
Nuk dihet ende shkalla e dëmtimit, teksa priten ekzamiminet më të hollësishme për të parë gjendjen e mesfushorit kuqezi.
Një lajm aspak i mirë dhe për Sylvinhon, ku ka mbetur më pak se 2 muaj deri në fillimin e Europianit, me Gjasulën që ishte një nga opsionet për listën e kompeticionit.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
