Belajdi Pusi duke festuar
Belajdi Pusi është shfaqur protagonist ditën e sotme në Premier Leaguen e Azerbajxhanit me ekipin e tij, Shamakhi. Këta të fundit barazuan me rezultatin 2-2 me Sabah Baku në sfidën e vlefshme për javën e parë të kampionatit.
Ndërkohë që Pusi ishte ai që shmangu humbjen për të tijët. Kur ndeshja ishte 2 me 1 në favor të Sabah Baku, me anë të një goditje në kokë në minutën e 53-të, 26-vjeçari shkodran shënoi. Ish-i i Vllaznisë përfitoi edhe nga një pasiguri e portierit, duke tundur rrjetën.
Me këtë gol, Pusi ia doli që të barazonte shifrat dhe t’i siguronte 1 pikë ekipit të tij. Kujtojmë që sulmuesi shkodran u transferua te Shamakhi këtë merkato verore, dhe kjo sfidë ishte debutim për të.
Poll
Lexo gjithashtu
