Arber Hoxha
Arbër Hoxha po kalon një formë fantastike teksa vendi i titullarit nuk është më i diskutuar. Ai është kthyer në një lider absolut të gjigantëve kroat duke qenë një rrezik konstant në krahun e majtë të sulmit.
Sot, ai shënoi një tjetër gol për Dinamon, i dyti rradhazi në po kaq ndeshje kampionati. Anësori 25-vjeçar shënoi golin e barazimit 1-1 në minutën e 21’ falë një asisti të Misic. Stopim me të majtën dhe goditje direkte për të kaluar në limit portierin kundërshtar e për të dërguar topin në rrjetë me majën e këmbës.
Hoxha ishte një nga surprizat e Sylvinhos në Euro 2024 dhe sulmuesi ia doli t’i shpërblente besimin duke dhuruar performanca shumë të kënaqshme. Në Nations League ai pritet të ketë më shumë minuta në dispozicion.
Poll
Lexo gjithashtu
