Kjo periudhë është vendimtare për të ardhmen e Ernest Muçit. Deri më 10 maj, klubi i Trabzonspor ka mundësinë e blerjes përfundimtare nga Besiktas, por ende asnjë veprim konkret.
Në krahun tjetër, 25-vjeçari shqiptar ka ngritur dyshime me veprimin e bërë së fundmi në rrjetet sociale. Muçi ka hequr nga foto e profilit në “Instagram” veten e tij me fanellën e Trabzonspor, duke e zëvendësuar me një tjetër foto ku është me vajzën e tij.
Kjo është cilësuar në Turqi, nga mediat dhe tifozët, si sinjal largimi. Megjithatë, “qetësia” e madhe ka mbizotëruar në kampin e klubit nga Trabzoni, duke mos dhënë asnjë shenjë për të ardhmen e Muçit.
Kujtojmë se shqiptari ka kaluar formën e jetës në huazim, duke qenë protagonist absolut. Deri më tani, ish-i i Tiranës ka shënuar 13 gola dhe ka asistuar në 8 të tjerë.
Lexo gjithashtu
