Atalanta mori një barazim 1-1 në ndeshjen e parë gjysmëfinale të Europa League përballë Marseille në transfertë. Një rezultat i kënaqshëm që në ndeshjen e kthimit në shtëpi do të luftojnë për të kapur finalen.
Performancë e mirë nga italianët dhe një prej më të mirëve ishte mbrojtësi shqiptar Berat Gjimshiti. Kapiteni i Kombëtares izoloi rrezikun kryesor, Aubameyang dhe ofroi siguri në prapavijë.
Në raportin e ndeshjes sipas TuttoMercatoWeb, ai ka marrë elozhe duke u vlerësuar me notën e dytë më të lartë, 6.5.
“Djimsiti 6.5 – Drejton mbrojtjen me kujdes. Përballë tij është një farë Aubameyang, por qendërmbrojtësi Nerazzurrët e kufizon shumë atë me ndërhyrjet dhe mbulimet e tij gjithmonë të kujdesshme”, shkruan TMW.
Ndërsa, Calciomercato.it i jep notën 7, sërish e dyta më e lartë: Siguria e mbrojtjes, nuk ka 'klientë' të thjeshtë por ia del mjaft mirë.
Lexo gjithashtu
