Empoli i Ardian Ismajlit do të rikthehet të luajë nesër ndaj Comos në transfertë për ndeshjen e vlefshme të javës së 30-të të Serie A. Megjithatë, lajmet nuk janë të mira për mbrojtësin e Kombëtares shqiptare.
Ditën e sotme, klubi i Empolit ka dalë në deklaratë për shtyp për gjendjen shëndetësore të Ardian Ismajlit. Bëhet e ditur se 28-vjeçari ka kryer sot vizitat mjekësore, ku është zbuluar një problem në kofshën e tij të djathtë.
Mbrojtësi kuqezi tashmë ka nisur fazën e rehabilitimit me stafin mjekësor të Empolit. Ende nuk bëhet e ditur koha e rikthimit të tij në fushat e lojës. Rikujtojmë që Sylvinho nuk e inkuadroi në asnjë minutë Ismajlin në ndeshjet e Kombëtares ndaj Anglisë dhe Andorrës.
Report medico su Ardian Ismajli ⬇https://t.co/ix7P8Vps11
— Empoli Football Club Official (@EmpoliFC) March 28, 2025
Lexo gjithashtu
