Samsunspor luan sot në Kupën e Turqisë një takim me eliminim direkt kundër Orduspor. Ekipi i Arbnor Mujës do të tentojë kualifikimin pasi kundërshtarët janë shumë të dobët dhe në nivele të ulta.
Skuadra turke takimin në kompeticionin e dytë për nga rëndësia të Turqisë, e zhvillon në shtëpi duke nisur prej orës 18:30. Ky është takimi i fundit i ditës së sotme në Ziraat Turkish Cup. Muja ishte i pranishëm në ndeshjen e fundjavës kundër Bodrumspor dhe sot mund të mos jetë në formacion, edhe për arsye të lehtësisë së sfidës.
Të bardhët po ecin mirë dhe në takimin e kampionatit fituan 4-0 kundër skuadrës së legjionarëve, Seferi dhe Ajeti. Samsunpor i luan ndeshjet në nëjë stadium modern me kapacitet prej 33 mijë vendesh, i quajtur Samsun 19 Mayis Stadyumu.
Lexo gjithashtu
