Ditën e sotme Kombëtarja shqiptare nis zyrtarisht përgatitjet për duelet me Çekinë dhe Ukrainë, takime këto që do të luhet më 16 dhe 19 nëntor në “Air Albania” në orën 20:45.
Po sot priten që në ambientet e “Shtëpisë së Futbollit” të mbërrijnë të gjithë lojtarët. Me shumë interes pritet të mësohet për gjendjen e 4 prej tyre, të cilët së fundmi kanë shfaqur disa probleme.
Keidi Bare, Rey Manaj, Marash Kumbulla kanë patur probleme ditët e fundit, ndërsa dje iu shtua listës edhe Berat Gjimshiti. Kapiteni la fushën i dëmtuar në minutën e 25-të të përballes me Udinesen.
Këto i kanë shkaktuar “dhimbje koke” Sylvinhos dhe stafit të tij vetëm pak ditë para dueleve në Nations League. Mbetet të shihet pas vizitave nga stafi mjekësorë i Kombëtares për të zbuluar nëse futbollistët do të mund të kontribuojnë për ekipin apo do të humbasin duelin me Çekinë dhe Ukrainën.
Lexo gjithashtu
