Kombëtarja shqiptare do të luajë dy ndeshje mjaft të rëndësishme pas disa ditësh. Fillimisht kuqezinjtë do të sfidojnë Anglinë në “Ëembeley” më 21 mars, ndërsa vetëm 3 ditë më pas do të presin në “Arenën e Demave” ekipin e Andorrës.
Duele këto shumë delikate dhe të rëndësishme për rrugëtimin e ekipit tonë në kualifikueset e Kupës së Botës 2026. Pikërisht ditën e sotme Sylvinho do të zbresë në fushë për të nisur edhe zyrtarisht përgatitjet për “misionin” e Botërorit.
Seanca e parë stërvitore pritet të bëhet afërsisht në orën 16:30, ku braziliani nuk pritet të ketë grupin e plotë, pasi disa futbollistë ditën e djeshme kanë luajtur me skuadrat e tyre dhe vetëm ditët në vazhdim do t’u bashkuhen kuqezinjve.
Ndërkohë nga ora 11:00 pritet që në konferencën për shtyp të dalin 1 ose 2 futbollistë për të folur për duelet me Anglinë dhe Andorrën.
Lexo gjithashtu
