Juljan Shehu padiskutim ishte një nga zbulimet e 2025. Mesfushori debutoi për herë të parë me Kombëtaren, ndërsa u bë shumë shpejt një titullarë fiks në ekip.
Por jo vetëm kaq, pasi ish-i i Laçit shkëlqeu edhe me skuadrën e tij, Widzew Lodz në Poloni. Falë paraqitjeve të tij mjaft positive, polakët pak muaj më parë I ofruan rinovimin dhe firmosën kontratën e re me shqiptarin deri në 2028.
Por pavarësisht kësaj, Shehu mund të ndryshojë skuadër. Interesimet për të nuk mungojnë, ku Panathinaikos në Greqi, Valencia në Spanjë dhe një ekip nga Amerika, kërkojnë shërbimet e tij.
Klauzola e veçante që mesfushori ka nënshkruar e lejon atë të largohet nga skuadra polak për ekipe të ligave kryesore, kështu ekziston mundësia e një largimi drejt një tjetër skuadre që luan në një nga ligat kryesore në Europë.
Lexo gjithashtu
