Mesfushori i Kombëtares Juljan Shehu, ka folur për mediat polake, ndërsa bën pjesë te ekipi i Ëidzeë Lodz. Ndeshja Poloni – Shqipëri ka qënë kryefjala, e vlefshme për fazën “Play-Off” në Kupën e Botës.
Ky duel do të mbahet në datën 26 mars, Varshavë. Shehu konsiderohet lojtar shumë i rëndësishëm në mesfushën e Shqipërisë, ndërsa kontributi i tij mund të vlejë shumë për të realizuar “ëndrrën”, pjesëmarrjen historike në një kampionat Botëror:
A keni folur në skuadër për ndeshjen e ardhshme Poloni–Shqipëri që do të luhet në mars?
Kush mendon se do ta fitojë? Po, nuk kemi folur shumë, por pak po. Kemi prekur temën e kësaj ndeshjeje. Ata shpresojnë që ta fitojë Polonia, unë shpresoj që ta fitojë Shqipëria.
Si i sheh shanset e kësaj sfide?
Do të jetë një ndeshje shumë e vështirë për të dyja skuadrat. Mendoj se do të jetë një përballje shumë e fortë. Në ndeshje të tilla është gjithmonë e vështirë për të dyja palët.
Nuk është e lehtë as për ta, as për ne. Besoj se gjithçka do të vendoset nga detaje shumë të vogla. Polonia ka një avantazh të vogël sepse luan në Varshavë dhe ka mbështetjen e tifozëve.
E di sa e vështirë është të luash atje, sepse tifozët polakë janë shumë të zjarrtë dhe e mbështesin fort ekipin kombëtar. Kjo do ta bëjë ndeshjen shumë të vështirë për ne.
Cili është roli yt në Kombëtaren shqiptare?
Sa ndryshon ai nga roli që ke te Ëidzeë, ku luan më ofensiv? Roli im nuk është i njëjtë. Te Ëidzeë kam më shumë detyra ofensivë sesa në kombëtaren shqiptare. Por kjo varet nga taktika e trajnerëve dhe mënyra se si ata duan të luajnë. Unë jam një lojtar që mund të përshtatet me të dyja rolet.
Trajneri i Kombëtares më kërkon më shumë detyra mbrojtëse dhe sigurisht që unë duhet t’i zbatoj ato. Te klubi është pak ndryshe. Gjithsesi, përpiqem të jap maksimumin si për klubin, ashtu edhe për Shqipërinë, të jap gjithçka që kam për të ndihmuar ekipin. Shpresoj të vazhdoj kështu dhe të kontribuoj sa më shumë të jetë e mundur.
Duke folur me një trajner polak, ai e përshkroi Shqipërinë si një ekip me stil italian. A je dakord me këtë dhe cila është filozofia e futbollit të trajnerit Silvinjo?
Po, trajneri ynë ka punuar më parë me trajnerë italianë, si Mancini, dhe shumë nga lojtarët tanë luajnë në Itali. Prandaj, mendoj se ka ngjashmëri.
Ata që e thonë këtë kanë të drejtë. Por nuk mendoj se kemi cilësi vetëm në mesfushë. Besoj se kemi lojtarë shumë të mirë në çdo repart të fushës. Shqipëria ka shumë cilësi në të gjitha zonat.
Çfarë mund të thuash për kombëtaren polake?
Kombëtarja shqiptare ka luajtur disa herë në dy vitet e fundit kundër Polonisë, kështu që mendoj se njihemi mjaft mirë me njëri-tjetrin. Sipas mendimit tim, Polonia ka lojtarë shumë cilësorë.
Nuk ka nevojë t’i përmend emrat, sepse të gjithë i njohin. Janë një ekip me shumë cilësi. Me trajnerin aktual kanë bërë përparim dhe luajnë më mirë.
Lexo gjithashtu
