Eneo Bitri nuk ka të ndalur në kampionatin hungarez. Tek ETO Gyor, ish-futbollisti i Partizanit ka gjetur veten e tij në rrethanat më të mira.
Shqiptari vetëm po shënon gola njëri pas tjetrit. Gola të bukur me kokë, si dhe me roveshatë.
Muajin e kaluar qendërmbrojtësi u shpall ‘Lojtari i Muajit’, ndërsa tani përfshihet në formacionin e javës.
Bitri shënoi në barazimin 2-2 kundër ekipit nga kryeqyteti, MTK Budapest. Për këtë, Eneo mori notën 8.2 që i dha një vend në 11-të më të mirët e Hungarisë.
Sigurisht, shtatlarti u zgjodh si ‘Lojtari i Ndeshjes’ në transfertën hungareze.
NBI, liga hungareze e sponsorizuar nga OTP Bank përzgjodhi 3 mbrojtës në formacion. Njëri prej tyre ishte Eneo Bitri, që më shumë po shndërrohet në një sulmues sesa po rri në prapavijë.
Lexo gjithashtu
