Simon Simoni do të huazohet këtë sezon për herë të parë nga Frankfurt për të pasur më shumë hapsira. Drejtuesit e klubit gjerman kanë vendosur të dërgojnë në huazim portierin shqiptar pas 2 sezonesh te skuadra e Ingolstadt.
Simoni deri më tani stërvitej me ekipin e parë, por luante me të dytin. Ky vendim i Frankfurt vjen pasi drejtuesit besojnë shumë në cilësitë e gardianit shqiptar dhe huazimi shihet si hapi i duhur për zhvillimin dhe adaptimin e tij perfekt me futbollin profesionist gjerman.
19-vjeçari do të bashkohet me ekipin e ri që militon në Bundesliga 3 dhe do të ketë minutat e garantuara ku do të fitojë formën ideale për sezonin e ardhshëm si një alternativë potenciale për portën e Frankfurt.
Lajm fantastik gjithashtu edhe për Sylvinhon e Kombëtaren shqiptare që e shohin Simonin si portierin që do të mbrojë kuadratin kuqezi për dekadën e ardhshme. Simoni, madje, ishte pjesë e Shqipërisë në Euro 2024 edhe pse nuk ia doli të bëhej pjesë e listës zyrtare.
Lexo gjithashtu
