Daniel Dubois shprehet i bindur se është në formën më të mirë të jetës së tij përpara ndeshjes kundër Oleksandr Usyk këtë të shtunë në Wembley. Britaniku 27-vjeçar thotë se ndihet i pandalshëm dhe është gati të shkaktojë “kaos” në ring.
Kjo është një përballje ribashkimi mes dy boksierëve, pas fitores me polemika të Usyk në 2023 në Poloni. Dubois humbi atëherë me nokaut në raundin e nëntë, pas një goditjeje që u cilësua e paligjshme nga arbitri.
Sfida në Wembley do të vendosë fatin e të katër titujve botërorë në peshën e rëndë. Dubois ka shansin të bëhet kampioni i parë i padiskutueshëm britanik që nga Lennox Lewis në vitin 1999.
Promotori Frank Warren tha se Usyk do të përballet me një version të ri të Dubois. “Këtë herë, do të ndeshen me Danielin burrë, jo djaloshin që panë më parë", theksoi ai.
Lexo gjithashtu
