Kupa e Botës ka dhuruar surprizën e radhës. Spanja eleminohet nga botërori pas goditjeve të penalltive, ku Maroku është i kualifikuari i radhës që vijon aventurën për në çerekfinale.
Spanja përshëndet në këtë mënyrë Katarin, pas një ndeshje që nuk dhuroi asgjë përgjatë 90 minutave dhe kohës shtesë, ekipeve u duhej t’i drejtohenin “ruletës” së penalltive. Maroku ishte ekipi që u tregua më i saktë dhe merr një kualifikim historik.
Sergio Busquets, ka folur për mediat pas këtij eleminimi befasues ku nuk ka munguar as kritikat për veten e tij.
Deklarata:
Eliminimi: "Kemi bërë mirë gjatë ndeshjes dhe arritëm të gjenim shumë hapsira. Rasti në fund i Sarabias do të kishte ndryshuar çdo gjë. Penalltitë vendosen në mënyrë mizore fatin tonë.
Fati: Ne u përpoqëm t'i konsumonim, të gjenim hapësira mes tyre. Na mungoi ai pak fat nga pasimi i fundit apo gjuajtja e fundit.
Penalltitë: Gjithmonë është diçka që ne na mungon në fund. Ne i humbëm tre penalltitë tona, kjo është e tepërt.
E ardhmja: E rëndësishme është kombëtarja dhe jo unë. Do të jetë një natë e vështirë dhe do të shërbejë si një eksperiencë e shtuar për të ardhmen me një grup shumë të mirë dhe në moshë të re. Kjo do të na ndihmojë dhe do të vazhdojmë përpara."
Lexo gjithashtu
