Duel “titanësh” do të jetë ajo mes Anglisë dhe Francës. Bileta e fundit për në çerekfinale vë përballë dy skuadrat që kanë konsiferuar edhe si epiket favorite për t’i shkuar në fund Kupës së Botës.
Gareth Soutgate është i bindur se djemtë e tij do t’ia dalin t’i çojnë në shtëpi francezët, pasi besojnë se do të mund të kalojnë në fazën tjetër të këtij turneu.
“Ne besojmë se mund t’i shkaktojmë probleme Francës me lojën tonë, dhe kemi ndërmend ta bëjmë këtë. Nuk ka kuptim të futemi në fushë në një ndeshje si kjo dhe të mendojmë të mbrohemi. Nëse do të kishim luajtur kundër tyre katër vite më parë, mund të them se do të kishte qenë një ndeshje e mirë. Kemi zhvilluar shumë ndeshje të kalibrit të lartë në kompeticione të mëdha, dhe e dimë se kemi cilësi për të fituar”, theksoi 52-vjeçari.
Ky i fundit foli dhe për problemet që pati Raheem Sterling në jetën e tij private. “Ai ndjeu nevojën për të mbështetur familjen e tij dhe për të qenë pranë tyre. Ky është një vendim i thjeshtë për mua dhe padyshim që duhet ta mbështes. Ka raste për çdo individ kur familja bëhet më e rëndësishmja. Sigurisht që unë dua të kem lojtarët më të mirë në dispozicion që të fitoj ndeshjet. Megjithatë unë si menaxher duhet të pranoj se ka momente më të rëndësishme në jetë sesa puna,” përfundoi timonieri anglez.
Lexo gjithashtu
