Pas rinovimit me Vinicius një tjetër lojtar pritet të firmosë ditën e sotme kontratën e re. Bëhet fjalë për Rodrygo, ku sipas mediave spanjolle bëhet me dije se palët sot pritet të firmosur zgjatjen e bashkëpunimit mes tyre.
Rinovimi i kontratës do të bëhet deri në vitin 2028, ndërsa do të ketë klauzolë largimi prej 1 miliard euro. Braziliani është një titullar i padiskutueshëm te madrilenët, teksa tashmë në “Santiago Bernabeu” do të qëndrojë edhe për disa sezone për të shënuar të tjerë gola spektakolar.
Kujtojmë se Rodrygo është pjesë e “Los Blancos” që prej vitit 2019 dhe kontrata aktuale i përfundon në qershor të vitit 2025. Në këtë sezon me fanelën e madrilëneve ka arritur të luajë 14 ndeshje dhe ka shënuar 2 gola dhe ka asistuar në një rast.
Lexo gjithashtu
