Gianni de Biasi ka qenë mjaft aktiv në këto ditë karantine duke treguar gatishmëri për mediet. Së fundmi, ish-trajneri i suksesshëm i kombëtares shqiptare ka folur për momentin kur zgjodhi t’i jepte lamtumirën kuqezinjve.
Në një prononcim për “Klan Kosovën” ai ka treguar se e ka pasur të vështirë të gjente motivim. 5 vite e gjysmë në krye të pankinës shqiptare dhe suksesi i arritur duke e çuar në Euro 2016, ishin maja për ekipin kombëtar shqiptar.
“U largova nga Shqipëria sepse kisha qenë aty për pesë vite e gjysmë. Ishim në vendin e tretë në grup gjatë ndeshje eliminatore të Botërorit 2018 , pasi ishim në një grup me Spanjën dhe Italinë.
I thashë presidentit Duka se unë do të largohem për t’i lënë hapësirë zëvendësuesit tim që të punojë në disa ndeshje me djemtë, para Ligës së Kombeve. Nuk kisha motivim, më duhej një rifillim”, deklaroi ndër të tjera ish-trajneri i kombëtares shqiptare.
Lexo gjithashtu
