Genc Tomorri ka dhënë një intervistë për mikrofonin e Supersport ku ka bërë një analizë të përgjithshme të klubit të kuq. Drejtori i Partizanit ka folur për objektivin, titullin kampion, aludimet për aleanca dhe në fund është ndalur te kompleksi i ri që po ndërtohet në periferi të Tiranës.
"E prisnim ta shihnim veten në krye pasi kemi zhvilluar një fazë përgatitore mjaft cilësore në Turqi , gjë e cila është reflektuar edhe me rezultatet e arritura dhe lojrëat e mira që ekipi ka dhuruar përgjatë gjysmës së dytë të kampionatit", ka thënë fillimisht Tomorri.
- I druheni presionit të vendit të parë dhe do të mund ta përballoj ekipi këtë moment?
Në luftë për titullin jemi 3 skuadra ne, Kukësi dhe Skëndërbeu , sigurisht presioni do të jetë , por është edhe përgjegjësi . Ekipi me fitoret e arritura radhazi ka treguar që ka forcë dhe kjo është një motiv më shumë për lojtarët që ky ekip mund ti bëj ballë çdo kundërshtari. Ne duhet ti marrim ndeshjet një e nga një dhe në fund të realizojmë objektivin, fitimin e titullit kampion.
- Marrja e kreut nga Partizani është shoqëruar me shumë polemika , akuza ndaj gjyqtarëve , flitet për aleanca sa mund të ndikojnë këto zëra në garë?
Tek Partizani gjëra të tilla nuk ekzistojnë, çdo ekip lufton për fanelën dhe objektivat e veta . Mendoj se reagimi i presidentit Gjici ishte më shumë dëshpërim i tij pas barazimit të regjistruar ndaj Vllaznisë. Të mos harrojmë që në 3 vitet e fundit Vllaznia ka qenë një prej skuadrave që i ka shkaktuar mjaft probleme Partizanit.
- Si e pret Partizani përballjen në Shkodër, pasi Vllaznia do të vuaj mungesat e disa lojtarëve në organikë. Mendoni se ky fakt mund t'iu lehtësoj qëllimin në arritjen e objektivit?
Në Shkodër na pret një prej ndeshjeve më të vështira jashtë kryeqytetit. Ekipi është mobilizuar maksimalisht dhe takimet e mbetura për ne do të jenë të gjitha si finale. Ne do të shkojmë në Shkodër me objektivin e vetëm të ruajmë pozitat në vendin e parë.
- Mendoni se çështja titull do të vendoset nga përplasja direkte mes jush dhe Kukësit?: Çështja e titullit do të diskutohet javë pas jave, ne duhet ti fitojmë të gjitha takimet e mbetura nëse duam të shpallemi kampionë . Nuk e shoh aspak përcaktuese për titull përballjen që do të zhvillojmë me Kukësin pas 3 javësh.
- Cilin shikoni si rival më të rrezikshëm në luftën për titull Kukësin apo Skënderbeun?
Dua të theksoj se si Ne, Kukësi dhe Skënderbeu kemi zhvilluar një kampionat duke rivalizuar të 3-ja së bashku, ndaj i shoh që të dyja rivale të Partizanit deri në fund. Tashmë ne jemi në vend të parë dhe mendoj se Partizani nuk ka arsye ta lëshoj më këtë pozicion.
- Mendoni se edhe me përfundimin e kompleksit modern sportiv që po ndërtohet, janë krijuar rrethanat që ky projekt gjigant të konkretizohet edhe me fitimin e titullit?
Fitimi i titullit kampion është shumë i rëndësishëm për Partizanin, pasi u bë një kohë e gjatë që nuk e kemi shijuar trofeun. Ky titull duhet fituar për Presidentin Demi , investimet e tij në klub dhe për tifozët tanë . Në aspektin teknik e them me bindje se ne kemi ekipin më të mirë për vetë atë çfarë kemi dhuruar në këtë sezon. Optimizmi në klub duke filluar nga Presidenti Demi , stafi e lojtarët është i madh për të realizuar objektivi madhor që kemi fitimin e kampionatit.
Lexo gjithashtu
